بسم الله الرحمن الرحيم يامرحبا وعداد ماغرد الطير *** على الغصون المايلات الندية
وعداد مادارة دلالٍ مباهير *** في بيت من ناره على الدوم حية
ترحيبٍ احلى من حليب المغاتير *** يابدر يوم انك تلزم علية
وماهي غريبة يازبون المخاسير *** هذي طبوع الابة الناصرية
ويومك تشرفني بمدح المناعير *** اطيور شلوى محتمين الونية
ياويش بذكر من فعايل هل الخير *** لا جيت بكتب ذيك جتني هذية
ونصيحتي اليا حدتك المعاسير *** وشحة يدين اهل الوجيه الهبية
انص الرجال الي تنومسك بتمير *** اهل السنع والجود والمقدرية
عنابرة من صلب جدي مشاهير *** تمايمة من هامة اليعربية
زبن الدخيل اللي تلته المضاهير *** وعوق الخصيم اللي تمادي بغية
يفنون مابجيوبهم من دنانير *** ولياعطوا يعطون جزل العطية
ومفتوحة بيبانهم للخطاطير *** للي بعيد الدار واللي هنية
بالعود الأزرق والقرى والتباشير *** ومفطحات الحيل والشاذلية
أهل السيوف المرهفات البواتير *** واهل الخيول المسرجة والحمية
خيالهم ياقف بوجه الطوابير *** ويورد العدوان حوض المنية
هذا كلام ماحصل فيه تزوير *** وكل دري وش صار بالقادسية
يوم ربعي يحتمون المواخير *** وقفوا لهم ربعي سرية سرية
وتشهد لهم شبه الجزيرة واغادير *** وتشهد لهم سنة رسول البرية
ربعي سنام المجد بين المجاهير *** بني تميم سباع نجد القوية
ويالله يلي صور الخلق تصوير *** يامنزل كتابة ومرسل نبية
ويامنجي يوسف نبيه من البر *** ومنجيه من كيد النساء والخطية
تجعل ترابطنا على الدين لا غير *** ونعيش بالدنيا حياة هنية
وعداد مادارة دلالٍ مباهير *** في بيت من ناره على الدوم حية
ترحيبٍ احلى من حليب المغاتير *** يابدر يوم انك تلزم علية
وماهي غريبة يازبون المخاسير *** هذي طبوع الابة الناصرية
ويومك تشرفني بمدح المناعير *** اطيور شلوى محتمين الونية
ياويش بذكر من فعايل هل الخير *** لا جيت بكتب ذيك جتني هذية
ونصيحتي اليا حدتك المعاسير *** وشحة يدين اهل الوجيه الهبية
انص الرجال الي تنومسك بتمير *** اهل السنع والجود والمقدرية
عنابرة من صلب جدي مشاهير *** تمايمة من هامة اليعربية
زبن الدخيل اللي تلته المضاهير *** وعوق الخصيم اللي تمادي بغية
يفنون مابجيوبهم من دنانير *** ولياعطوا يعطون جزل العطية
ومفتوحة بيبانهم للخطاطير *** للي بعيد الدار واللي هنية
بالعود الأزرق والقرى والتباشير *** ومفطحات الحيل والشاذلية
أهل السيوف المرهفات البواتير *** واهل الخيول المسرجة والحمية
خيالهم ياقف بوجه الطوابير *** ويورد العدوان حوض المنية
هذا كلام ماحصل فيه تزوير *** وكل دري وش صار بالقادسية
يوم ربعي يحتمون المواخير *** وقفوا لهم ربعي سرية سرية
وتشهد لهم شبه الجزيرة واغادير *** وتشهد لهم سنة رسول البرية
ربعي سنام المجد بين المجاهير *** بني تميم سباع نجد القوية
ويالله يلي صور الخلق تصوير *** يامنزل كتابة ومرسل نبية
ويامنجي يوسف نبيه من البر *** ومنجيه من كيد النساء والخطية
تجعل ترابطنا على الدين لا غير *** ونعيش بالدنيا حياة هنية